II xornada de formación

Nunha  xornada con gran asistencia de público, que comezou ás 20:30 horas e rematou ás 23:30 da noite do venres 15 de marzo,  Juan A. Villar López, Pepe Bustelo Tarrío, María Rei Vilas e Xosé Antón de la Fuente Subiela   participaron na  II xornada de formación que organizou a federación de ANPAs da Costa da Morte na localidade de Baio (Zas).

Esta actividade estivo dividida en tres apartados:

–  A xestión das anpas.

–  Referendo  sobre os libros de texto e material escolar.

 – A LOMCE a debate.

A alta participación das persoas asistentes á xornada fixo que o seu remate se retrasase unha hora.

 Calquera dúbida puntual que lles xurda a partires deste momento ás directivas ou soci@s das anpas tamén poderá ser contestada a través do teléfono, correo electrónico (correo@fedanpas.gal) ou asistindo ás xuntas que celebramos. Como federación,  un dos nosos obxectivos é cooperar con todas as anpas que o desexen.

Na defensa do ensino público todas e todos somos necesarios.